Ելակով ու լիմոնով հրաշք
Պատրաստեք ելակով ու լիմոնով հրաշք հետևյալ բաղադրատոմսով
Ելակով ու լիմոնով հրաշք շատ համեղ Աղանդեր է և կարելի է մատուցել Տոնական սեղաններին:
Քաղցր ելակի ու թարմեցուցիչ լիմոնի հրաշալի համադրություն: Այս կախարդական մուսը սկզբից տորթի մի մաս էր կազմում և իմ ամբողջ ընտանիքը այն ուղղակի պաշտում էր: Այսպիսի աղանդերը հեշտացված տարբերակն է և միաժամանակ ամենահամեղը:
Ինչպես պատրաստել ելակով ու լիմոնով հրաշք
16գ ժելատինը բացել տաք ջրով, հատապտուղները բլենդերով մանրացնել: Ավելացնել 200մլ յոգուրտ և 100գ շաքարավազ: Լցնել ժելատինը: 200մլ սերուցքը սառեցնել եւ հարել: Արագ ու զգուշորեն սերուցքը լցնել ելակային զանգվածի վրա:, երբ այն սկսի խտանալ: Սերուցքը շատ լավ է հարվում սառը վիճակում: Դրա համար բավական է 5 րոպեով սերուցքի տուփը, հարիչի տոտիկը և տարրան դնել սառցախցիկ: Եթե ինչ-որ պատճառով սերուցքը լավ չի հարվել, մի վհատվեք:Ավելացրեք 1-2ճ/գ լիմոնի հյութ ու շարունակեք հարել և զանգվածը աստիճանաբար համապատասխան տեսք կստանա:
Լիմոնով մուսի համար 12գ ժելատին լցնել, լիմոնի կեղևը զգուշորեն հանել և հյութը քամել/կեղևը քերել կամ մանր կտրատել/: Խառնել 400մլ յոգուրտ, 150գ շաքարավազ, լիմոնի կեղևն ու հյութը: Ավելացնել ժելատին: 200մլ սերուցքը սառեցնել ու հարել: Զգուշորեն խառնել լիմոնի զանգվածի հետ: Ելակային ու լիմոնային զանգվածները լցնել հրուշակեղենի համար նախատեսված պարկիկների մեջ և շերտերով դնել աղանդերի համար նախատեսված տարրայի մեջ: 2-3 ժամով դնել սառնարան, մինչ լավ թանձրանա:
