Դուկկա սոուսով աղցան

Ինչպես պատրաստել դուկկա սոուսով աղցան

Դուկկա սոուսը պատրաստելու համար՝ տապակը դնել կրակին, հերթով բովել գետնանուշը, քունջութն ու համեմի սերմը, այս ամենին մի պտղունց խոշոր աղ, սև պղպեղ ավելացնել, գործիքով մանրացնել: Վարունգը կլպել, մանր խորանարդների կտրտել, լցնել թասի մեջ, ավելացնել նույն չափի կտրտած բողկն ու լոլիկը, մանր կտրտած չիլի պղպեղը: Կանաչ սոխը, կանաչիները, հազարի տերևների սպիտակ մասերը մանր կտրտել, լցնել թասի մեջ, ավելացնել դուկկա սոուսը: Կիտրոնի հյութով և ձիթայուղով սոուս պատրաստել, սա էլ լցնել աղցանի վրա, խառնել: Աղցանը լցնել հազարի տերևների վրա և մատուցել: