Տորթ «Ադի-բուդի»

Ինչպես պատրաստել տորթ «ադի-բուդի»

Ժելատինը թրջել 150 մլ եռացրած սառը ջրի մեջ և թողնել մեկ ժամ: Շոկոլադը հալեցնել գոլորշու վրա: Պայթեցրած եգիպտացորենի հատիկների մի փոքր մասը թողնել զարդարելու համար, մնացածը մանրացնել, խառնել շոկոլադին: Զանգվածը լցնել տապակի մեջ, դնել սառնարանը: Կաթնաշոռը խառնել յոգուրտին: Վրան լցնել կիտրոնի հյութը, լավ խառնել: Ժելատինը հալեցնել գոլորշու վրա: Սերուցքը շաքարավազի հետ հարել: Կաթնաշոռի վրա լցնել հարած սերուցքը, ժելատինը և խառնել: Զանգվածը լցնել եգիպտացորենի հատիկների սառած շերտի վրա, 7-8 ժամով դնել սառնարանի մեջ, այն պետք է լավ սառչի: Տորթը պատրաստ է, մնում է զարդարել պայթեցրած եգիպտացորենի հատիկներով և շոկոլադով: