Քաղցր երշիկ

Ինչպես պատրաստել քաղցր երշիկ

Ցանկացած թխվածքաբլիթները և ընկույզը մանրացնել: Կակաոն խառնել շաքարավազի հետ, ավելացնել կաթը կամ սերուցքը, դնել կրակի վրա: Եռացնել խառնելով, վերցնել կրակից և թողնել սառչի: Ավելացնել մանր կտորներով կտրատած կարագը, լավ խառնել, կարելի է ավելացնել թխվածքաբլիթը` անընդհատ խառնելով, և ընկույզը: Խառնելուց հետո զանգվածը դնել փայլաթիթեղի վրա երշիկի նման, փաթաթել, կես ժամ դնել սառցախցիկի մեջ: Կտրատել, մատուցել թեյի հետ: