ՀԱՎԻ ԿՐԾՔԱՄՍՈՎ ԵՎ ՇԱՄՊԻՆԻՈՆՈՎ ԳՐԱՏԵՆ

Ինչպես պատրաստել հավի կրծքամսով եվ շամպինիոնով գրատեն

Տապակին կարագ քսել: Խաշած կարտոֆիլը մանրացնել, լցնել տապակի մեջ, որին նախապես պաքսիմատ է ցանված: Հավի կրծքամիսը կտրատել, տարածել կարտոֆիլի վրա: Սոխը մանրացնել, տապակել մի գդալ բուսայուղով, լցնել հավի մսի վրա: Ձուն հարել, ավելացնել սերուցքը, աղ, պղպեղներ և մշկընկույզ ցանել, խառնել: Ձուն լցնել հավի ու կարտոֆիլի վրա, փայլաթիթեղով ծածկել և 200 աստիճան ջեռոցում 15 րոպե եփել, հետո ջերմաստիճանն իջեցնել 180 և եփել ևս 15-20 րոպե: Սունկը կտրատել, մի քիչ բուսայուղով տապակել, համեմել չոր կանաչիների խառնուրդով, մսի համար նախատեսված սոուսով: Սամիթը կտրատել, պանիրը քերել: Տապակը հանել ջեռոցից, վրան լցնել սունկը, սամիթը, պարմեզանը: Նորից դնել ջեռոցը, մինչև կարմիր կեղև ստացվի: